![](https://exclusivenewstime.com/wp-content/uploads/2021/06/bhetghat-ad.gif)
![](https://exclusivenewstime.com/wp-content/uploads/2021/07/MAYA-GIF.gif)
काठमाडौँ । रुसका प्रसिद्ध कविहरूका नेपालीमा अनुदूति करिब एक दर्जन कविताको शनिबार काठमाडौँमा वाचन गरिएको छ ।
नेपाल कम्युनिष्ट पार्टी (एमाले)को केन्द्रीय साहित्य, कला तथा संस्कृति विभागद्वारा आयोजित कार्यक्रममा नेपाली र रुसी दुवै भाषा–साहित्यमा सक्रिय स्रष्टाहरू डा जङ्गल चौहान र जुगल भुर्तेलले ती कविताको प्रस्तुति गरेका हुन् । उनीहरुले कतिपय कविता रुसी भाषामै वाचन गरेका थिए ।
![](https://exclusivenewstime.com/wp-content/uploads/2021/12/RATO-MATO.gif)
![](https://exclusivenewstime.com/wp-content/uploads/2021/12/manakamana.jpg)
कार्यक्रममा रुसी साहित्यकार अलेक्सान्द्र सेर्गेएभिच पुस्किन, र्माेन्तोभ, येशेनिन, पास्तरनाक, युघोर अलिसे, अनाकोइ लुनाकोब, भिक्टर जे, दुमौती बैजब, अनास्त्रा श्रेयगाभे, कातिरिना कोच्लुबालगायतका कविता अनुवादसहित प्रस्तुत गरेका थिए । देशभक्ति, क्रान्ति, प्रेम, वियोग, जीवन चिन्तनलगायत विधामा विषयविम्ब र प्रतीकात्मक रूपमा कविता प्रस्तुत गरिएको थियो ।
विभागका प्रमुख रघुजी पन्तले रुसमा निरङ्कुशता अन्त्यका लागि साहित्यकारहरूले वैचारिक योगदान दिएको र क्रान्तिले धेरै कवि जन्माएको सन्दर्भ उल्लेख गर्दै नेपाली साहित्यले त्यसबाट प्रेरणा लिन सक्ने बताए ।
![](https://exclusivenewstime.com/wp-content/uploads/2021/12/EVEREST.gif)