मकवानपुर । बागमती प्रदेश सभाको बैठक आज पनि बस्दै छ । प्रदेश सभा सचिवालय हेटौँडामा बिहान १० बजे बैठक बस्ने तय भएको हो ।
प्रदेशसभा सचिवालयका अनुसार प्रदेश सरकारको आगामी आर्थिक वर्षको नीति तथा कार्यक्रममाथि छलफल गर्नका लागि बैठक आह्वान गरिएको हो।
गत जेठ १४ गते सोमबार प्रदेश सरकारले जारी गरेको आगामी आर्थिक वर्षको नीति बुधबारबाट छलफल प्रारम्भ भएको थियो।
बुधबार प्रदेश सभाका ११ जना सांसदहरूले सरकारको नीति तथा कार्यक्रम माथि टिप्पणी गरेका थिए। आज बिहीबारको बैठकमा पनि सांसदहरूले सरकारको नीति तथा कार्यक्रममाथि छलफल गर्ने कार्यसूची रहेको छ।
