यतिबेला इरान राष्ट्रपति गुमाएको पाँच दिने राष्ट्रिय शोकमा छ। आइतबार भएको हेलिकप्टर दुर्घटनामा निधन भएका इरानका राष्ट्रपति इब्राहिम रायसीको निधनमा त्यहाँ राष्ट्रिय शोक घोषणा भएको हो।
हेलिकोप्टरमा दुर्घटनामा निधन भएका राष्ट्रपतिसहित ९ जनाको तेहरानमा अन्तिम संस्कार हुने त्यहाँको सरकारी मिडियालाई उद्धृत गर्दै अन्तर्राष्ट्रिय सञ्चार माध्यमले समाचार लेखेका छन्। मुस्लिम परम्परा अनुसार उनीहरुको अन्तिम संकार हुनेछ।
हेलिकप्टर दुर्घटनामा निधन भएका सबै जनाको शव मंगलबार तबरेन्जबाट तेहरान ल्याउने अन्तिम तयारी गरिएको अन्तर्राष्ट्रिय संचार माध्यमले खबरमा उल्लेख गरेका छन्।
