काठमाडौं । नेपाली कांग्रेससहित विपक्षी दलहरूले सहकारी ठगीमा गृहमन्त्री रवि लामिछानेमाथि छानबिन गर्न संसदीय समिति बनाउनुपर्ने माग सडकमा लैजाने भएका छन् ।
प्रधानमन्त्रीले संसदमा विश्वासको मत लिएपछि बसेको विपक्षी दलहरुको बैठकले संसदीय समितिको माग लिएर सडकमा जाने निर्णय गरेको हो । बैठकले सभामुख देवराज घिमिरेले आफ्नो मर्यादा बिर्सिएको निष्कर्ष समेत निकालेको छ ।
राष्ट्रिय प्रजातन्त्र पार्टीका प्रमुख सचेतक ज्ञानेन्द्रबहादुर शाहीले भने, ‘हामीले उठाइरहेको विषयमा सदनमा मात्रै होइन । अब सडकका पनि पुर्याउँछौं ।’ सोमबारको प्रतिनिधिसभा बैठकमा विपक्षी दलहरूको अवरोधकाबीच प्रधानमन्त्री प्रचण्डले विश्वासको मत लिएका थिए ।
