काठमाडौं । चौथो संस्करणको ललितपुर मेयर्स महिला टि-२० च्याम्पियनसिपको उपाधि नेपाल एपीएफ क्लबले जितेको छ।
शनिवार भएको फाइनल खेलमा एपिएफले सुदूरपश्चिम प्रदेशलाई २ रनले हराउँदै चौथो संस्करणमा चौथो पटक नै उपाधि जितेको हो।
क्रितिपुरस्थित् टियु क्रिकेट मैदानमा टस जितेर पहिला ब्याटिङ गरेको एपिएफले निर्धारित २० ओभरमा ४ विकेटको क्षतिमा १५५ रन जोडेको थियो।
जवाफी ब्याटिङमा उत्रेको सुदूरले निर्धारित २० ओभरमा ५ विकेट गुमाउँदै १५४ रन जोड्यो।
