भारतको राजधानी नयाँदिल्लीमा गृह मन्त्रालयको कार्यालयभित्र र बाहिर गहन सरसफाइ र खोजी अभियानपछि बमको धम्की झुटो सावित भएको अधिकारीहरूले बताएका छन् ।
प्रहरीका अनुसार दिल्लीको नर्थ ब्लकमा रहेको सङ्घीय गृह मन्त्रालयको कार्यालयलाई बुधबार एउटा इमेल आएको थियो । जसमा कार्यालय परिसरमा विस्फोटक पदार्थ राखिएको र त्यसले भवन उडाइने लेखिएको थियो । डिस्ट्रेस कल पाएलगत्तै प्रहरीको बम डिस्पोजल टोली र दमकल मन्त्रालयको कार्यालयमा पुगे पनि भवनमा व्यापक खोजी गर्दा पनि शङ्कास्पद वस्तु फेला परेन ।
यो घटना राष्ट्रिय राजधानीका विद्यालय, विमानस्थल र अस्पतालहरूमा पठाइएको होक्स बम इमेलहरूको शृङ्खलामध्ये सबैभन्दा नयाँ हो । दिल्लीबाहेक जयपुर, लखनउ, कानपुर र अहमदाबादका विद्यालयहरूलाई पनि यस्तै धम्की आएको छ । अधिकारीहरूले यी इमेलहरूको उत्पत्ति पत्ता लगाउन यस विषयमा अनुसन्धान गरिरहेका छन् ।
