काठमाडौँ । अर्थमन्त्री वर्षमान पुनले आगामी आर्थिक वर्षका लागि बजेट प्रस्तुत गर्दै तराईका विभिन्न क्षेत्रमा सिँचाइ सेवाका लागि ३ अर्ब ४५ करोड रुपैयाँ विनियोजन गरेका छन् ।
मंगलबार संघीय संसद्को दुवै सदनलाई सम्बोधन गर्दै मन्त्री पुनले तराई मधेसका भूमिगत सिँचाइका लागि स्यालो तथा डिप ट्युबवेलबाट सिँचाइ सुविधा विस्तार गर्न ४५० डिप बोरिङ विस्तार गरी थप १५ हजार हेक्टर क्षेत्रमा सिँचाइ सुविधा विस्तार गर्न ३ अर्ब ४५ करोड विनियोजन गरेको बताए ।
नदी किनारका क्षेत्रमा सिँचाइका लागि २ अर्ब २२ करोड विनियोजन गरेको बताए ।
