काठमाडौँ । नेकपा एमालेका सांसद रघुजी पन्तले आफ्ना दलका नेता केपी शर्मा ओलीमाथि आक्रमणको प्रयास भएको बताएका छन् । प्रमुख प्रतिपक्षी दलका सांसदहरूले आफ्ना नेतामाथि आक्रमण प्रयास गरेको उनले बताए ।
कांग्रेसले असंसदीय व्यवहार देखाएको उनको आरोप छ । ‘यस्तो अवरोध पहिले पनि हुन्थ्यो । हामीले गर्दा प्रतिपक्षीका नेतामाथि दुर्व्यवहार गरेका थिएनौँ । पूर्वप्रधानमन्त्रीले बोल्न पाउनुपर्छ भन्दा झम्टिन जाने हो ? आक्रमण गर्न जाने हो ? यो असंसदीय घटना हो,’ पन्तको भनाइ छ ।
