झापा । झापाको दमकमा एकजना विद्यार्थीलाई गोली हानिएको छ।
शुक्रबार स्थानीय हिमालय माध्यमिक विद्यालय दमकबाट १२ कक्षाको परीक्षा दिएर फर्किँदै गर्दा एनिका अधिकारीमाथि गोली हानिएको हो ।
गोली लागेर घाइते भएकी उनको अहिले दमकस्थित लाइफ लाइन अस्पतालमा उपचार भइरहेको छ ।
घटनापछि फरार भएकाको खोजीलाई तीव्र पारिएको इलाका प्रहरी कार्यालय दमकले जनाएको छ ।
प्रहरीका अनुसार गोली हान्ने व्यक्ति भागिसकेका छन् । गोली किन र केका लागि हानियो भन्ने खुलेको छैन ।
