काठमाडौं । प्रतिनिधिसभाका लागि इलाम क्षेत्र नम्बर २ मा शनिबार भएको उपनिर्वाचनको मतगणना जारी छ ।
सदरमुकाम इलाम बजारका तीनवटा स्थानमा अहिले मतगणना भइरहेको छ । सोमबार साँझसम्म लगातार अग्रता बनाइरहेका नेकपा एमालेका सुहाङ नेम्वाङले अग्रता बढाउँदै लगेका छन् ।
सुहाङले ताजा अवस्थामा नेपाली कांग्रेस डम्बर खड्कालाई ६ हजार ५०७ मतको फराकिलो अन्तरले पछि पारेका छन् ।
सुहाङले १९ हजार ६९७ मत ल्याइएका छन् । उनलाई पछ्याइरहेका कांग्रेसका उम्मेदवार खड्काले ताजा अवस्थामा १३ हजार १९० मत ल्याएका छन् ।
उता तेस्रो स्थानमा रहेका पहिचान पक्षधरका स्वतन्त्र उम्मेदवार डकेन्द्रसिंह थेगिमले ९ हजार ५१४ मत ल्याएका छन् । रास्वपा उम्मेदवार मिलन लिम्बूले ३ हजार ३ सय २३ मत पाएका छन्।
शनिबार भएकाे मतदानमा यहाँ ६६ हजार मत खसेको थियो । जसमध्ये ४८ हजार ९८ मत गणना सकिएको छ । अब ११ वडा वडाको मतगणना हुन बाँकी छ । यो क्षेत्रमा पर्ने ४२ मध्ये ३१ वडाको मतगणना भइसकेको छ ।
इलाम–२ उपनिर्वाचन अपडेट
सूर्य :१९,६९७
रुख : १३,१९०
मूढा : ९,५१४
घण्टी :३,३२३
इलाम नगरपालिका २ को अन्तिम परिणाम
सुहाङ नेम्वाङ : ५८३ (सूर्य)
डम्वर खड्का : ५१५ (रुख)
डेकेन्द्र थेगिम : १०४ (मुढा)
मिलन लिम्बू : ८१ (घण्टी)
