रसुवा । लाङटाङको भ्रमण सम्पन्न गरी फर्कँदै गर्दा लाङटाङ पद मार्गमा एक पर्यटकको आज निधन भएको छ ।
आफ्ना दुई छोरा र पथ प्रदर्शकको साथमा स्याफ्रुबेँसीतर्फ झर्दै गरेका राहदानी नं १४०९८८८२९ का ६७ वर्षीय बेलायती नागरिक काटर माइकल पावल -Carter michael paul) लाङटाङ खोला झोलुङ्गे पुल आसपास क्षेत्रबाट बेहोश अवस्थामा हवाई उद्धार गरी काठमाडौँस्थित मेडिसिटी अस्पताल पु¥याउँदा चिकित्सकले अहिले साँझ ६.३० बजे मृत घोषणा गरेको जिल्ला प्रहरी कार्यालय रसुवाका सूचना अधिकारी प्रहरी निरीक्षक नेत्रप्रसाद पौडेलले राससलाई जानकारी दिए ।
बोकेर दुई घण्टाको ओरालो बाटो झारेपछि उद्धारका लागि काठमाडौँबाट हेलिकप्टर पुगेको र भौगोलिक विकटता र जङ्गल भएका कारण अवतरण गर्ने स्थान समेत नभएकाले अल्टिच्युट एयरको माइक एक्स्रे कलसाइन भएको हेलिकप्टरले लङलाइन मार्फत उद्धार गरेको प्रहरीले जनाएको छ । लाङ्टाङ खोलादेखि सुरक्षित तवरले लङलाइन मार्फत समथर स्थानमा पु¥याई जहाजभित्र राखेर क्याप्टेन आनन्द थापाले तत्काल अस्पताल पु¥याएको जनाइएको छ ।
