काठमाडौं। प्रधानमन्त्री पुष्पकमल दाहाल प्रचण्डले कांग्रेसभापति शेरबहादुर देउवा र एमाले अध्यक्ष केपी शर्मा ओलीसँग छुट्टाछुट्टै भेटवार्ता गरेका छन्।
आइतबार विहान प्रधानमन्त्री दाहालले देउवा र ओलीसँग छुट्टा छुट्टै छलफल गरेका हुनु। शीर्ष नेताहरुबीचको छलफलमा संक्रमणकालीन न्यायलाई टुंगो लगाउने विषयमा छलफल भएको प्रधानमन्त्रीको सचिवालयले जनाएको छ।
दलहरुबीच संक्रमणकालीन न्यायलाई टुंग्याउने विषयमा सहमति बनिसकेको छैन। सरकारले सहमति नबने बहुमतीय प्रणालीमार्फत भएपनि संक्रमणकालीन न्यायलाई टुंग्याउने बताइरहेको छ। तर प्रमुख प्रतिपक्ष दल नेकपा एमाले भने सहमतिबाटै यो विषय टुंग्याउनु पर्ने अडानमा छ।
