काठमाडौँ । बंगालदेशले जारी साफ यू–१६ महिला फुटबल प्रतियोगिता अन्तर्गत भारतमाथि शानदार जित हासिल गरेको छ ।
ललितपुरस्थित च्यासल मैदानमा मंगलबार सम्पन्न खेलमा बंगलादेशले भारतलाई ३-१ गोल अन्तरले पराजित गरेको हो ।
जारी प्रतियोगितामा बंगलादेशको यो लगातार दोस्रो जित हो । यस अघि पहिलो खेलमा बंगलादेशले नेपाललाई २-० ले पराजित गरेको थियो ।
यो जितपछि बंगलादेशको २ खेलमा ६ अंक भएको छ र शिर्ष स्थानमा उक्लिएको छ । त्यस्तै भारतको भने २ खेलमा ३ अंक रहेको छ ।
अब प्रतियोगितामा विहिबार भारत र नेपालबीच खेल हुने छ ।
