काठमाडौं । नेकपा एकीकृत समाजवादीका अध्यक्ष माधवकुमार नेपाललाई भेट्न नेपाली कांग्रेसका नेता रमेश लेखक कोटेश्वर निवासका पुगेका छन् ।
लेखक आज केहीबेरअघि अध्यक्ष नेपाललाई भेट्न उनकै निवास कोटेश्वर पुगेका हुन् । नेपाललाई भेट्न कांग्रेस सभापति शेरबहादुर देउवासमेत कोटेश्वर जाँदैछन् । सभापति देउवाले भेट्नुअघि लेखकले अध्यक्ष नेपाललाई भेटेका हुन् ।
यसअघि सभापति देउवाले मंगलबार साँझ नै फोन गरेर आफू भेट्न आउने जानकारी गराएका थिए । तर, राति नै एमाले अध्यक्ष केपी ओली र माओवादी अध्यक्ष एवं प्रधानमन्त्री पुष्पकमल दाहाल ‘प्रचण्ड’लगायतले नेपाललाई भेट्न उनको निवास पुगेका थिए ।
प्रचण्ड र ओलीले भेटेलगत्तै राप्रपा अध्यक्ष राजेन्द्र लिङ्देन पनि अध्यक्ष नेपाललाई भेट्न कोटेश्वर पुगेका थिए ।
