काठमाडौं । समाजवादी मोर्चा नेपालको बैठक बालुवाटारमा बसेको छ । जारी बैठकमा पछिल्लो राजनीतिक अवस्था र मोर्चाका गतिविधिबारे छलफल भइरहेको बताइएको छ ।
प्रधानमन्त्री निवास बालुवाटारमा बैठक बसिरहेको प्रधानमन्त्रीका प्रेस सल्लाहकार गोविन्द आचार्यले जानकारी दिएका छन् । उनका अनुसार बैठकमा समाजवादी मोर्चाका नेताहरू सहभागी छन् ।
मोर्चामा नेकपा माओवादी केन्द्र, जनता समाजवादी पार्टी (जसपा), नेकपा एकीकृत समाजवादी र नेत्रविक्रम चन्द विप्लव नेतृत्वको नेकपा सहभागी छन् । मोर्चाका हाल विप्लवले नेतृत्व गरिरहेका छन् । नयाँ गठधन्धन बनेपछि मोर्चाको यो पहिलो बैठक हो ।
