उत्तरी चीनको भित्री मङ्गोलिया स्वायत्त क्षेत्रको इरेनहोटको सीमा बन्दरगाहबाट शनिबार बिहानसम्म १५ हजार चीन–युरोप मालवाहक रेल सञ्चालन भएको अधिकारीहरूले जानकारी दिएका छन्।
एरेनहोट पोर्ट चीन र मङ्गोलिया बीचको सबैभन्दा ठूलो भूमि बन्दरगाह हो। यस बन्दरगाहबाट चीन–युरोप मालवाहक रेल मार्गहरू सञ्चालित छन् । यहाँबाट चीनका तियानजिन, आन्हुई, हुनान र सिचुआन लगायतका १० भन्दा बढी प्रान्त, क्षेत्र र नगरपालिकाबाट शुरु भई जर्मनी, पोल्याण्ड जस्ता १० वटाभन्दा बढी देशहरूमा ५० भन्दा बढी गन्तव्यसम्म सञ्जाल जोडिएको छ ।
एरेनहोट बन्दरगाह हुँदै चीन–युरोप मालवाहक रेलहरूले ढुवानी गर्ने सामानहरूमा जुत्ता, कपडा, मेकानिकल र विद्युतीय उत्पादनका सामग्री लगायत सवारी साधनका पार्टपुर्जाहरू समावेश छन्।
