सिन्धुपाल्चोक । सिन्धुपाल्चोकको त्रिपुरासुन्दरी गाउँपालिका वडा नम्बर ३ ले बाँदर नियन्त्रणका लागि निजी जग्गाका रूख काट्न सूचना जारी गरेको छ ।
वडाध्यक्ष शिव कार्कीले सूचना प्रकाशित गर्दै फागुन महिनाभरि आ-आनो जग्गाका रूख काट्न आग्रह गरेका हुन् । उनले गाउँमा बाँदरको आतंक बढेकाले जोगाउनका लागि निजी जग्गाका रूख काट्न आग्रह गरिएको बताएका छन् ।
यस अघि गत माघ १५ गते पोखरा महानगरपालिका वडा नम्बर १९ ले पनि बाँदर नियन्त्रण गर्न भन्दै ‘मेरो रूख मै काट्छु’ अभियान चलाउन भन्दै सूचना प्रकाशित गरेपछि चौतर्फी विरोध भएको थियो ।
