विराटनगर । नेपालको पहिलो उद्योग विराटनगर जुट मिल्समा गएराति आगलागी भएको छ । विराटनगर महानगरपालिका–१६ स्थिति हाल बन्द अवस्थामा रहेको उद्योगमा आगालागी भएको हो ।
बन्द अवस्थामा रहेको उद्योगमा कसरी आगालागी भयो भन्नेबारे खुल्न सकेको छैन । आगलागीबाट २० लाखभन्दा बढीको क्षति भएको प्रहरीले जनाएको छ ।
उक्त घटना कसरी घट्यो भन्नेबारेमा अनुसन्धान भइरहेको प्रहरीको भनाइ छ । उक्त उद्योगमा मंगलबार राति करिब ९ बजेतिर आगलागी भएको बताइएको छ ।
नेपाल प्रहरी, सशस्त्र प्रहरी, स्थानीय र महानगरको दलकलको सहयोगमा राति १ बजेतिर आगलागी नियन्त्रणमा आएको थियो ।
