काठमाडौं । रुपन्देहीमा एक जना प्रहरी हवल्दार मृत फेला परेका छन् । प्रहरी चौकी भातागाडा डडेलधुरामा कार्यरत प्रहरी हवल्दार भुपेन्द्र ठकुल्लाको शव बुटवलको जंगलमा भेटिएको हो ।
भुपेन्द्रको शव सडिसकेको अवस्थामा पुस २९ गते बुटवलको शिवनगर सामुदायिक वनमा भेटिएको जिल्ला प्रहरी कार्यालय रुपन्देहीका एसपी भरत विकले जानकारी दिए ।
उनको शव पोष्टमार्टमपछि परिवारले जिम्मा लिइसकेको र घटना सम्बन्धमा थप अनुसन्धान भइरहेको प्रहरीले जनाएको छ ।
