सिन्धुली । प्रधानमन्त्री पुष्पकमल दाहाल ‘प्रचण्ड’ ले सिन्धुलीको सिर्थौलीमा निर्मित दुधौली नगर अस्पतालको उद्घाटन गरेका छन् । दुधौली नगरपालिकाले शनिबार सिर्थौलीमा आयोजना गरेको कार्यक्रममा प्रधानमन्त्रीले १५ शय्याको नगर अस्पतालको उद्घाटन गरेका हुन् ।
करिब १८ करोडको लागतमा निर्मित अस्पतालले दैनिक एक सय ५० बढी बिरामीलाई विभिन्न प्रकारका स्वास्थ्य सेवा उपलब्ध गराउनेछ । समारोहमा दुधौलीका स्थानीयले स्थानीय कला संस्कृति झल्कने झाँकी प्रस्तुत गरेका थिए ।
