इजरायली प्रधानमन्त्री बेन्जामिन नेतन्याहुको युद्धपछिको गाजा पट्टीका लागि विकास गर्न लागिएको योजना प्यालेस्टाइनले अस्वीकार गरेको छ ।प्यालेस्टाइनी विदेश मन्त्रालयले विज्ञप्ति जारि गर्दै यो योजना गाजा पट्टीको पुनः कब्जाको आधिकारिक मान्यता भएको बताएको हो ।
साथै उसले द्वन्द्व समाधान गर्न तथा प्यालेस्टाइन राज्यलाई साकार पार्ने अन्तराष्ट्रिय प्रयासहरूको विरोध गर्न र विफल पार्ने रचिएको एउटा निर्लज्ज चाल भएको बताएको छ ।
नेतान्याहुले आफ्नो सुरक्षा मन्त्रिपरिषदमा यो योजना प्रस्तुत गरेका गरेका थिए, जसले द्वन्द्वपछि गाजा पट्टीको व्यवस्थापनसम्बन्धी धारणा उल्लेख गरेको थियो । योजनाले गाजामा इजरायलको सुरक्षा नियन्त्रणलाई कडा बनाउन आग्रह गरेको छ। युद्धपछि प्यालेस्टिनी राज्यका लागि अन्तराष्ट्रिय आह्वानलाई अस्वीकार गर्दै उक्त योजनाले इजरायलले सम्पूर्ण वेस्ट बैंक र गाजा पट्टीमा सुरक्षा नियन्त्रण कायम गर्ने योजना देखाउँदछ।
