काठमाडौं । सिन्धुपाल्चोकमा कार दुर्घटना हुँदा २ जना ज्यान गएको छ ।
बुधबार बिहान सिन्धुपाल्चोकको हेलम्बु गाउँपालिकाको दोरिङ भिरमा कार दुर्घटनामा परेको हो । मृतक दुवै जना भुटानी नागरिक हुन् । दुर्घटनामा पाँच जना घाइते भएका छन् । घाइतेमध्ये चार जना भुटानी नागरिक र एक नेपाली हुन् ।
घटनाबारे थप जानकारी प्राप्त हुन बाँकी रहेको छ । प्रहरी घटनास्थलतर्फ जाँदै गरेको स्थानीयले जनाएका छन् ।
