गण्डकी । अदालतले पोखराको मित्रमिलन सहकारी ठगी प्रकरणमा पक्राउ परेका पर्वतको कुश्माका प्रमुख प्रशासकीय अधिकृत उदयबहादुर पराजुलीलाई थुनामा पठाउने आदेश दिएको छ ।
मंगलबार जिल्ला अदालत कास्कीका न्यायधीश ऋषिराज आचार्यको इजलासले पराजुलीसहित चार जनालाई पुर्पक्षका लागि थुनामा पठाउने आदेश दिएको हो । अदालतले पराजुलीसहित गोपाल खनाल, बुद्धिसागर पौडेल र राजु बराललाई पुर्पक्षका लागि थुनामा पठाउने आदेश दिएको अदालतका सूचना अधिकारी सुरज अधिकारीले जानकारी दिएका छन् ।
सहकारीको कार्यक्षेत्र विस्तार गर्न १ करोड २५ लाख रुपैयाँ घुस लिएको आरोप पराजुलीमाथि लागेको छ । उनलाई प्रहरीले पुस ११ गते कुश्मा नगरपालिकाको कार्यकक्षबाटै पक्राउ गरेको थियो ।
