काठमाडौं । राष्ट्रिय प्रजातन्त्र पार्टीका नेताहरुले पूर्वराजा ज्ञानेन्द्र शाहसँग सामूहिक भेट गरेका छन् । बुधबार राप्रपाका अध्यक्ष राजेन्द्र लिङ्देन, वरिष्ठ उपाध्यक्ष रविन्द्र मिश्र, नेताहरु बुद्धिमान तामाङ, धवलशम्सेर राणा र दीपकबहादुर सिंहले भैरहवामा पूर्वराजासँग सामूहिक भेट गरेका हुन् ।
भेटमा पूर्वराजा शाहले आफूले ऐतिहासिक संस्थाको प्रतिनिधित्व गर्ने बताएको राप्रपाका वरिष्ठ उपाध्यक्ष मिश्रले बताएका हुन् । मिश्रले पूर्वराजाको भनाई भन्दै सामाजिक संजालमा लेखेका छन्, ‘हामी सबैले धेरै देख्यौ/बुझ्यौँ। म ऐतिहासिक संस्थाको प्रतिनिधित्व गर्छु। मेरो काम सबैलाई एकताको सूत्रमा बाँध्ने हो। सबै नेपाली मेरो लागि बराबर छन्।’
भेटमा सहभागी नेता तामाङले पूर्वराजा शाहसँग आफूहरुले लञ्च मिटिङसहित भेटवार्ता गरेको भन्दै यो नियमित भेटवार्ता भएको जनाएका छन् ।
