काठमाडौँ । कर्णाली प्रदेशले कोशी प्रदेशलाई पराजित गरेको छ । मंगलबार जारी पीएम कप अन्तर्गत मुलपानी क्रिकेट मैदानमा सम्पन्न खेलमा कर्णाली प्रदेशले कोशी प्रदेशलाई ६ विकेटले पराजित गरेको हो ।
कोशी प्रदेशले दिएको १५२ रनको लक्ष्य पछाएको कर्णाली प्रदेशले २८.३ ओभरमा ४ विकेट गुमाउदै लक्ष्य पुरा गरेको थियो । कर्णालीको जितमा अर्जुन घर्तिले सर्बाधिक ५० रन बनाएका थिए ।
यस अघि कोशी प्रदेशले पहिला ब्याटिंग गर्दै ३४.३ ओभरमा अल आउट हुदै १५१ रन बनाएको थियो । कोशीका लागि सुजन थपलियाले सर्बाधिक ७३ रन बनाएका थिए ।
यो जितपछि कर्णालीको ६ खेलमा ६ अंक भएको छ । त्यस्तै कोशी प्रदेशले भने लगातार सातौ खेलमा हार बेहोरेको छ ।
अब कर्णालीले अर्को खेल शुक्रबार नेपाल पुलिस क्लबसँग टियु मैदानमा खेल्ने छ भने कोशी प्रदेशले बुधबार सुदूरपश्चिम प्रदेशसँग टियु मैदानमा खेल्ने छ ।
