काठमाडौँ । एएफसी एशियन कप अन्तर्गत दक्षिण कोरियाले विजयी शुरुवात गरेको छ ।
समुह ई अन्तर्गतको सोमबार सम्पन्न खेलमा दक्षिण कोरियाले बहराइनलाई ३-१ गोल अन्तरले पराजित गर्दै प्रतियोगितामा विजयी शुरुवात गरेको हो ।
दक्षिण कोरियाको जितमा ली कांग इनले २ गोल गरेका थिए भने ह्वांग इन बेओमले एक गोल गरेका थिए । त्यसैगरी बहराइनका लागि एक गोल अब्दुल्लाह अल हशाशले गरेका थिए ।
यो जितपछि दक्षिण कोरियाले समुह ई मा ३ महत्वपूर्ण अंक हासिल गरेको छ ।
अब दक्षिण कोरियाले अर्को खेल आगामी शनिबार जोर्डनविरुद्ध खेल्ने छ भने बहराइनले अर्को खेल शनिबारनै मलेसियाविरुद्ध खेल्ने तालिका रहेको छ ।
