काठमाडौं । पुल्चोकमा रहेको होटल स्क्वायरका संचालक पक्राउ परेका छन् ।
होटलका सञ्चालकमध्ये ललिता देवकोटा भण्डारी शनिबार पक्राउ परेको प्रहरी स्रोतले जनाएको छ ।
अर्का सञ्चालक रोमी अर्यालको समेत खोजी भइरहेको प्रहरीले जनाएको छ । गएको भदौमा जाउलाखेलका सजीलमान शाक्य होटल स्क्वायरमा स्विमिङ गर्दा करेन्ट लागेर बेहोस भएका थिए ।
सोही विषयमा सजीलका परिवारले प्रहरीमा ज्यान मार्ने उद्योगमा उजुरी दिएका थिए । सोही उजुरी पछि होटल सञ्चालक पक्राउ परेका हुन् । हाल सजीलमान कोमामा पुगेका छन् ।
