काठमाडौँ । जारी पीएम कपमा बागमती प्रदेशले पहिलो जित हासिल गरेको छ ।
मंगलबार मुलपानी क्रिकेट मैदानमा सम्पन खेलमा बागमती प्रदेशले मधेश प्रदेशलाई ८६ रनले पराजित गर्दै प्रतियोगितामा पहिलो जित हासिल गरेको हो ।
बागमती प्रदेशले दिएको १९१ रनको लक्ष्य पछाएको मधेश प्रदेशले २९ ओभरमा अल आउट हुदै १०४ रन मात्र बनाएको थियो ।
मधेश प्रदेशले २९औं ओभरमा आफ्ना ४ विकेट गुमाएको थियो । मधेश प्रदेशको ब्याटिंग लाइन ध्वस्त गर्नेक्रममा बागमतीका बलर सुर्य तामाङले ६ विकेट लिएका थिए ।
यस अघि पहिला ब्याटिंग गरेको बागमती प्रदेशले प्रतिष जिसीको सर्बाधिक ५९ रनको मद्दतले ४९.२ ओभरमा अल आउट हुदै १९० रन बनाएको थियो ।
अब बागमती प्रदेसले अर्को खेल बुधबार त्रिभुवन आर्मी क्लबविरुद्ध खेल्दै छ भने मधेश प्रदेशले विहिबार एपीएफविरुद्ध खेल्दै छ ।
यो जितपछि बागमती प्रदेशको ३ खेलमा २ अंक भएको छ भने मधेश प्रदेशको पनि ३ खेलमा २ अंक नै रहेको छ ।
