बुटवल । नेपाली कांग्रेसका महामन्त्री विश्वप्रकाश शर्माले सभापति शेरबहादुर देउवाले अब प्रधानमन्त्री बन्न नहुने बताएका छन् । सभापति देउवाले आफैंले समकालीन वा नयाँ युवा पुस्तालाई प्रधानमन्त्री बन्न आग्रह गर्नुपर्ने बताएका हुन् ।
शनिबार पार्टीको लुम्बिनी प्रदेश सम्मेलन उद्घाटन कार्यक्रममा महामन्त्री शर्माले सभापति देउवा ५÷५ पटक प्रधानमन्त्री बनिसकेकाले भन्दै अब बन्न नहुने बताए ।
उनले भने, ‘आदरणीय सभापतिले ५/५ पटक बनिसक्नुभयो, बाँकी यो सम्मेलनले दिएको राप, ताप र शुभकामना उहाँको शीरमा परोस्, प्रधानमन्त्री बन्ने कुरामा अघि बढ मेरा समकालीन साथीहरु या आउ कोही युवा भनेर भन्न सक्ने मनोविज्ञान सभापतिजीले भन्न सक्नुपर्छ ।’
