काठमाडौं । झापा एफसीले काठमाडौंमा जारी नेपाल सुपर लिगमा पहिलो जित निकालेको छ । मंगलबार भएको खेलमा झापाले बुटवल लुम्बिनीलाई १–० गोलले पराजित गरेको हो । झापाका लागि जर्ज पेइएज सान्चेजले निर्णायक गोल गरे । खेलको ३९ औं मिनेटमा जर्जले झापाका कप्तान अन्जन विष्टले दिएको पासमा बक्स अगाडीबाट प्रहार गर्दै गोल गरेका हुन् ।
झापाले यस सिजन दोस्रो पटक गोल गरेको हो । यसअघि पोखरा विरुद्ध १–१ को बराबरीमा ओचिलोभले अन्तिम समयमा गोल गरेका थिए । झापा पहिलो खेलमा अर्को पूर्वेली क्लव स्पोर्टिङ इलामासँग १–० गोलले पराजित भएको थियो ।
यस्तै दोस्रो खेलमा पोखरा थन्र्डससँग १–१ गोलको बराबरी खेल्दा तेस्रो खेलमा काठमाडौं रेजर्ससँग र चौथो खेलमा बीरगंज युनाइटेडसँग गोलरहित बराबरी खेलेको थियो ।
