संकल्प यात्रा रोक्न पहिचान पक्षधरका नाममा सत्ता गठबन्धन लागिपरेको ओलीको आरोप



ओखलढुंगा । नेकपा एमालेका अध्यक्ष केपी शर्मा ओलीले सरकार साम्प्रदायिकता भड्काउन लागिपरेको आरोप लगाएका छन् ।

झुलाघाट–चिवाभञ्ज्याङ अभियानका क्रममा मंगलबार ओखलढुंगाको हर्कपुरमा आयोजित सभालाई सम्बोधन गर्दै अध्यक्ष ओलीले सरकार सामाजिक सद्भाव बिगार्न लागिपरेको आरोप लगाएका हुन् ।


उनले एमालेको अभियान रोक्न पहिचान पक्षधरका नाममा गठबन्धन दलका नेताहरू नै लागिपरेको आरोप लगाए । उनले पहिचान पक्षधरलाई भावनामा नबग्न आग्रह गरे ।

सद्भाव कायम गरेर राष्ट्रिय एकता कायम गरेरमात्र देश बनाउन सकिने उनले बताए । अध्यक्ष ओलीले संवैधानिक बाटो प्रयोग गरेर सबैखाले मतभेद समाधान गर्न सकिने बताए ।