विराटनगर । मोरङको विराटनगरमा आगलागीमा परेर एक जनाको मृत्यु भएको छ।
विराटनगरको सातघुम्ती चोकमा रहेको कवाडी गोदाममा भएको आगलागीमा परेर घाइते भएका ३० वर्षीय दिपक मण्डलको मृत्यु भएको हो। विराटनगर ७ का उनको न्यूरो अस्पतालमा उपचारकै क्रममा मृत्यु भएको प्रहरीले जनाएको छ ।
आगलागीमा परेर ४ जना घाइते भएका छन् । घाइतेमध्ये २ जनाको अवस्था सामान्य रहेको छ भने २ जनाको उपचार भईरहेको छ । आगलागीको कारण नखुलेको प्रहरीको भनाइ छ ।
प्रहरीका अनुसार विराटनगर महानगरका २ वटा दमकल, सुन्दरहरैँचा नगरपालिकाको १ वटा र दुहबी नगरपालिकाको दमकल, स्थानीय र प्रहरीको सहयोगमा आगलागी नियन्त्रणमा लिने प्रयास भइरहेको छ ।
