काठमाडौं । राष्ट्रपति रामचन्द्र पौडेल विराटनगर जाँदैछन् । उनी आज (शनिबार) बिहान ११ बजे जानेछन् ।
नेपाल उद्योग परिसंघ कोशीले आयोजना गरेको प्रजातन्त्र सेनानीको सम्मान तथा उद्योगीको भेलाको उद्घाटन गर्न राष्ट्रपति पौडेल विराटनगर जान लागेका हुन् ।
राष्ट्रपतिले विराटनगरस्थित होटल सिटी प्यालेसमा केही समय भेटघाट समेत गर्ने उनको सचिवालयले जनाएको छ भने उनी आजै काठमाडौं फर्किने छन् ।
