काठमाडौं । संघीय संसदको राज्य व्यवस्था तथा सुशासन समितिको बैठक आज बस्दैछ । बिहान साढे ११ बजे सुरु हुने बैठकमा प्रधानमन्त्री पुष्पकमल दाहाल प्रचण्डलाई डाकिएको छ ।
आजको बैठकमा एनसेल प्रकरण, सरकार भित्रको सुशासनको विषय र संघीय निजामती ऐन लगायत समसामयीक विषयमा छलफल हुने जनाइएको छ ।
यसअघि बसेको बैठकले एनसेल प्रकरणको बारेमा छलफलका लागि प्रधानमन्त्रीलाई बोलाउने निर्णय गरेको थियो ।
