विराटनगर । नेकपा (एमाले)को संकल्पयात्राका क्रममा भोजपुर पुगेका पार्टी अध्यक्ष केपी शर्मा ओलीलाई पहिचानवादी पक्षधरले कालो झन्डा देखाएका छन् । आज (बिहीबार) सदरमुकाम भोजपुर बजारबाट धनकुटा जाने क्रममा कालो झन्डा देखाइएको हो ।
एमाले पार्टी कार्यालय अगाडि विरोध प्रदर्शन गर्दै ओलीलाई कालो झण्डा देखाउएपछि पहिचानवादीलाई प्रहरीले धरपकड गरेको जनता समाजवादी पार्टी (जसपा)का सदस्य एवं लिम्बुवान राष्ट्रिय समितिका अध्यक्ष खगेन्द्र माखिमले बताए ।
कालो झन्डा देखाएको आरोपमा प्रहरीले आधा दर्जन व्यक्तिलाई नियन्त्रणमा लिएको छ । पक्राउ पर्नेमा जसपा भोजपुरका जिल्ला उपाध्यक्ष मञ्जु राई, जिल्ला सदस्य धीरज राई, दिनेश राई, मणि राई, विद्यार्थी नेता धीरेन खिम्बू, तयाबङु राई र विकास राई छन् ।
