इस्लामाबाद । पाकिस्तानको उत्तरपश्चिमी खैबर पाख्तुनख्वा प्रान्तमा आइतबार भएको आगलागीमा परी कम्तीमा नौ जनाको मृत्यु भएको प्रहरीले जनाएको छ ।
सो दुर्घटना एबोटाबाद जिल्लामा भएको हो । उक्त आगलागीमा परी एकै परिवारका नौ जना सदस्यहरू जलेका थिए ।
विद्युतीय चुहावटका कारण कारण आगलागी भएको र त्यहाँका बासिन्दाले नियन्त्रण गर्न नपाउँदै घरभरि आगो फैलिएको प्रहरीले जनाएको छ । शव पोस्टमर्टमका लागि नजिकैको अस्पतालमा राखिएको छ ।
