काठमाडौं । नेपाल सुपर लिग एनएसएलमा स्पोर्टिङ इलामले दुई गोलको अग्रतालाई जोगाउन नसक्दा बराबरीमा रोकिएको छ । शनिबार भएको पहिलो खेलमा इलमा धनगढीसँग दुई दुई गोलको बराबरीमा रोकिएको हो । पहिलो हाफमा दुई गोलको अग्रता बनाएको इलामले दोस्रो हाफमा दुई गोल खाँदै अंक बाँडेको हो ।
खेलको ४५ औं मिनेटमा इलामलाई फोडे कमाराले गोल गर्दै खेलमा अग्रता दिलाएका थिए । पहिलो हाफको इन्जुरी समयमो ओमार मासादाफी रहिमले गोल गर्दै अग्रता दोब्बर बनाए ।
पहिलो हाफमा बनाएको दुई गोलको अग्रतालाई इलामले दोस्रो हाफमा जोगाउन सकेन् । धनगढीले दोस्रो हाफमा दुई गोल गर्दै हार टारेको छ । खेलको ६८ औं मिनेटमा रिर्चड ओसेईले गोल गरे । इलामका खेलाडीले धनगढीका फोडे फोफानालाई पेनाल्टी एरियामा फल गरेपछि पाएको पेनाल्टीमा रिर्चडले गोल गरेका हुन् ।
खेलको ८३ औं मिनेटमा धनगढीले बराबरी गोल गर्यो । उसका लागि आफिज ओलाओलेले गोल गरे । उनले फोडे फोफानाको क्रसमा हेडर गोल गर्दै खेल बराबरी गरे । धनगढी जारी एनएसएलको शीर्ष स्थानमा उक्लेको छ । धनगढीको ८ अंक रहेको छ ।
