काठमाडौँ । जारी प्रधानमन्त्री कप महिला टी- २० क्रिकेट प्रतियोगिता अन्तर्गत मधेश प्रदेशले दोस्रो जित हासिल गरेको छ । विहिबार सम्पन्न खेलमा मधेश प्रदेशले लुम्बिनी प्रदेशलाई ८ विकेटले पराजित गरेको हो ।
लुम्बिनी प्रदेशले दिएको ९७ रनको लक्ष्य पछाएको मधेश प्रदेशले १८.५ ओभरमा २ विकेट गुमाएर लक्ष्य पुरा गरेको थियो ।
यस अघि लुम्बिनीले पहिला ब्याटिंग गर्दै २० ओभरमा ७ विकेट गुमाएर ९६ रन बनाएको थियो ।
यो यस प्रतियोगितामा मधेश प्रदेशको दोस्रो जित हो । यो जितपछि ६ खेलमा ४ अंक हासिल गरेको मधेश अंक तालिकामा छैटौं स्थानमा रहेको छ । त्यस्तै यो हारले लुम्बिनीलाई भने झट्का लागेको छ र प्लेअफमा छनौट हुने सम्भावना मुश्किल बनेको छ । लुम्बिनीको ६ खेलमा ४ अंक रहेको छ र अंक तालिकामा पाँचौं स्थानमा रहेको छ ।
अब लिगको अन्तिम खेलमा शनिबार मधेश प्रदेशले कर्णाली प्रदेशको सामना गर्ने छ भने लुम्बिनीले कोशी प्रदेशको सामना गर्ने छ ।
