काठमाडौं । नेपाल सुपर लिगमा स्पोर्टिङ इलामले जित निकालेको छ । मंगलबार भएको खेलमा ललितपुर सिटीलाई इलामले १–० गोलले पराजित गर्दै दोस्रो सिजनको एनएसएलको अन्त्य गरेको छ ।
इलामलाई जित दिलाउन फोडे कामाराले निर्णायक गोल गरेका हुन् । पहिलो हाफ गोलरहित बराबरीमा सकिएको खेलको ५९ औं मिनेटमा फोडे कामाराले गोल गरेका हुन् । फोडे कमाराले लिलितपुरका ओमोलाजा करिमलाई विट गराउँदै प्रहार गराउँदै गरेको प्रहारलाई गोलरक्षक जेफ्रि बाल्टुसले रोक्न सकेनन् ।
खेलको अन्तिम समयमा ललितपुरले सुन्दर अवसर गुमाएको थियो । लालिपुरका पापा इबोरउको क्रसमा इमोह इजेकेलको हेडर प्रहारलाई इलामका गोलरक्षक विकेश कुथु बिट भइसकेको अवस्थामा आशिष गुरुङले बचाएका थिए । जितसँगै इलाम ८ खेलबाट ८ अंक जोड्दै पाँचौं स्थानमा उक्लेको छ ।
इलामले ८ खेलमा दुईमा जित, दुई खेलमा पराजयसँगै तीन खेलमा बराबरी खेलेको छ । पराजय ब्यहोरेको ललितपुरको ७ खेलबाट १० अंक जोड्दै तेस्रो स्थानमा यथावत रहेको छ । हारसँगै ललितपुरको प्लेअफ कठिन भएको छ । ललितपुर अब अन्तिम खेलमा शनिबार काठमाडौं रेजर्ससँग खेल्नेछ ।
