काठमाडौं । नेकपा एकीकृत समाजवादीका अध्यक्ष माधवकुमार नेपालले पार्टीले राष्ट्रिय दलको मान्यता प्राप्त गर्न नसकेपनि निरास नहुन कार्यकर्तालाई ढाडस् दिएका छन् ।
आजबाट सुरु भएको पार्टीको केन्द्रीय कार्य समितिको बैठकलाई सम्बोधन गर्दै पूर्व प्रधानमन्त्रीसमेत रहेका नेपालले पार्टीले आम चुनावमा १० सिट जित्नु चानचुने कुरा नभएको दाबी गरेका छन् ।
‘अहिले हाम्रो पार्टी पहिलो नम्बरमा छैन। कमजोर पनि छैन। प्रत्यक्षमा १० सिट जित्नु सानो कुरा होइन’, उनले भने, ‘सातै प्रदेशमा हाम्रो उपस्थिति छ, ७७ वटै जिल्लामा पार्टी कमिटी छ। पार्टी कहिले सानो हुन्छ, कहिले ठूलो यो क्रम चलिरहन्छ।’
