बुटवल । बुटवलस्थित सिद्धार्थ बाल तथा महिला अस्पतालका मेडिकल सुपेरिटेन्डेन्ट राजेन्द्र बस्यालमाथी सांघातिक आक्रमण भएको छ । अस्पतालमा उपचाररत बिरामीको मृत्यु भएपछि उत्पन्न तनाव समाधन गर्न वार्ता भइरहेका बला बस्यालमाथि आक्रमण भएको हो ।
मृतकका आफन्तको आक्रमणबाट गम्भीर घाइते भएका डा बस्यालको अवस्था गम्भीर भएपछि गएराति लुम्विनी प्रादेशिक अस्पतालको सघन उपचार कक्ष (आईसियु)मा उपचार भइरहेको छ ।
गुल्मीको सत्यवती गाउपालिका ठुलो लुम्पेक घर भई भैरहवामा बस्दै आएकी ३२ वर्षीया भवानी रास्कोटीको मंसिर ११ गते शल्यक्रिया गरी ५ किलो तौलको बच्चा जन्मेको र मंसिर १२ गते सुत्केरी महिलाको मृत्यु भएपछि अस्पतालमा तनाव उत्पन्न भएको थियो ।
सुत्केरीको मृत्यु भएपछि उत्पन्न तनाव समाधानमा क्रममा बिरामीका आफन्तले डा. बस्यालमाथि आक्रमण गरि गम्भी घाइने बनाएको अस्पताल प्रशासनले जनाएको छ । मृतकका आफन्तले मृत्युको विषयमा छानविन गर्ने भन्दा पनि सुरुदेखि नै ५० लाख रुपैया क्षतिपूर्ति रकम मागेपछि स्थिति असहज बन्दै गएको अस्पताल बताएको छ ।
मृतकका आफन्तले अस्पतालको प्रशासनिक भवनका झ्याल ढोका लगायतका फर्निचरहरु तोडफाड गरेका छन् । प्रहरीले घटनामा सम्लग्न ४ जनालाई नियन्त्रणमा लिएर अनुसन्धान सुरु गरेको जनाएको छ ।
