काठमाडौँ । युनिलिभर नेपाल लिमिटेड जाजरकोट र रुकुम जिल्लामा गएको भूकम्प पिडितको सहयोगार्थ एक करोड सहयोग गरेको छ ।
युनिलिभर नेपालले पीडित परिवार र राष्ट्रसँग ऐक्यबद्धता प्रकट गर्दै नेपाल सरकारको भूकम्प प्रभावित क्षेत्रमा पुनर्निर्माण र पुनर्स्थापना कार्यलाई साथ दिनको लागि ‘प्रधानमन्त्री दैवी प्रकोप उद्धार कोष’ मा एक करोड सहयोग हस्तान्तरण गरेको हो ।
सो सहयोग रकमको चेक कम्पनीका सञ्चालक तथा वरिष्ठ अधिकारीहरूको प्रतिनिधिमण्डलले प्रधानमन्त्री पुष्पकमल दाहाललाई हस्तान्तरण गरेका छन् ।
युनिलिभर नेपालले भूकम्प गएको भोलिपल्टै प्रभावित जिल्लामा पाल, कम्बल, औषधि, ड्राई फुड, हर्लिक्स, सुप लगायतका तत्काल राहत सामग्री समेत सहयोग गरेको थियो ।
