उदयपुर । उदयपुरमा स्कुल बस दुर्घटना हुँदा चालकसहित तीन जनाको मृत्यु भएको छ । शनिबार उदयपुरगढी गाउँपालिका–७ स्थित अन्नपूर्ण सेकेन्डरी बोडिङ स्कुलको प्र–०५–००१ ख ००४४ नम्बरको बस अधेरी झर्ना नजिकै दुर्घटना भएको हो ।
दुर्घटनामा परी त्रियुगा नगरपालिका–५ का चालक ४० वर्षीय भिखन चौधरी, त्रियुगा ६ का ७ वर्षीया सम्या चौधरी र ६ वर्षीय विकाश चौधरीको मृत्यु भएको छ । उनीहरू पिकनिक खाएर फर्कदै गरेका थिए ।
दुर्घटनामा २५ जना भन्दाबढी घाइते भएका जिल्ला प्रहरी कार्यालयका डीएसपी हरिनन्दन चौधरीले जानकारी दिएका छन् । गम्भीर घाइते पाँच जनालाई थप उपचारका लागि जिल्ला बाहिर पठाइएको छ भने अन्यको जिल्ला अस्पतालमा उपचार भइरहेको छ ।
