काठमाडौँ । बलिवुडका चर्चित निर्देशक सञ्जय गढवीको निधन भएको छ । आइतबार बिहान करिब १० बजे गढ़वीको हृदयघातबाट निधन भएको भारतीय मिडियाहरुले उल्लेख गरेका छन् ।
५७ बर्षिय गढवी बिहान मर्निङवाकका क्रममा असहज महसुस गरेपछि उनलाई तुरुन्तै नजिकको कोकिलाबेन अम्बानी अस्पताल लगिएको थियो, जहाँ चिकित्सकले उनलाई मृत घोषणा गरेका थिए ।
हालै सञ्जय गढवीले श्रीकृष्ण जन्मभूमि र शाही इदगाह मस्जिदको विवादमा आधारित फिल्म बनाउने घोषणा गरेका थिए । श्रीकृष्ण जन्मभूमि र शाही इदगाह मस्जिदको विवादमा आधारित यस फिल्मको सुटिङ पनि सुरु भएको थियो ।
सञ्जय गढवीले ‘धूम’ र ‘धूम २’ निर्देशन गरेका थिए । उनले ‘तेरे लिए’, ‘किडनैप’, ‘मेरे यार की शादी है’, ‘अपरेशन परिन्दे’ र ‘अजब गजब लभ’ जस्ता उत्कृष्ट फिल्महरू पनि निर्देशन गरेका थिए ।
