पोखरा । पश्चिम नेपालका भूकम्पपीडितका लागि राहत सामग्री लिएर दुईवटा चिनियाँ जहाज पोखरा आएका छन् । चीन सरकारले घोषणा गरेको राहत सामग्री लिएर बुधबार बिहान दुईवटा जहाज पोखरा अन्तर्राष्ट्रिय विमानस्थलमा आएका हुन् ।
ती जहाज चीनको छेन्दुबाट पोखरा आएका हुन् । राहत सामग्री पोखरा विमानस्थलमा चिनियाँ राजदूत चेन सोङले उपप्रधान तथा गृहमन्त्री नारायणकाजी श्रेष्ठलाई हस्तान्तरण गर्ने कार्यक्रम छ । त्यसपछि पोखराबाट नेपाली सेनाको स्काइ ट्रकले ती सामग्री प्रभावित क्षेत्रमा पुर्याउने बताइएको छ ।
