काठमाडौँ । मेडिकल व्यवसायी समेत रहेका राष्ट्र, राष्ट्रियता, धर्म, संस्कृति र नागरिक बचाउ अभियानका संयोजक दुर्गा प्रसाईंको भक्तपुरस्थित निवासमा बाक्लो संख्यामा सुरक्षाकर्मी परिचलन गरिएको छ।
जिल्ला प्रहरी परिसर भक्तपुरका प्रवक्ता डिएसपी वसन्त पाठकले प्रसाईंको सुरक्षाका लागि प्रहरी निवासमा तैनाथ गरिएको बताए।
उनको निवास वरपर प्रहरी सुरक्षाका लागि तैनाथ गरिएपनि नजरबन्दमा भने नराखिएको प्रवक्ता डिएसपी पाठकले जनाएका छन्।
प्रसाईंको नागरिक बचाउ अभियानका सह प्रवक्ता राजानन्द माण्डब्यले निवासमा व्यापक प्रहरी तैनाथ गरिएको र बाहिर निस्कन नदिएको बताएका छन्।
