काठमाडौँ । नेपाल ओमानसँग पराजित भएसँगै सेमिफाइनलमा युएईसँग खेल्ने भएको छ ।
युएईले आजै सम्पन्न खेलमा हङकङलाई २२ रनले पराजित गर्दै समुह बी को विजेता बनेपछि सेमिफाइनलमा नेपालसँग खेल्ने निश्चित भएको हो । युएई समुह बी मा तिनै खेल जितेर ६ अंकसहित समुह विजेता बनेपछि समुह ए को उपविजेता बनेको नेपालसँग सेमिफाइनलमा खेल्ने भएको हो ।
नेपालले सेमिफाइनलमा युएईविरुद्ध शुक्रबार बिहान ११ बजेदेखि मुलपानी क्रिकेट मैदानमा खेल्ने छ ।
त्यसैगरी अर्को सेमिफाइनलमा ओमानले समुह बि को उपविजेतासँग खेल्ने छ । समुह बि को उपविजेताको टुंगो आजै हुने बहराइन र कुवेतबीचको खेलपछि लाग्ने छ ।
