काठमाडौं । परराष्ट्रमन्त्री एनपी साउद कतार जाने भएका छन् । प्यालस्टाईनको विद्रोही समूह हमासको कब्जामा रहेका भनिएका नेपाली नागरिक विपीन जोशीको रिहाइको पहलका लागि उनी मंसिर २३ मा कतार जाने परराष्ट्र स्रोतले जनाएको छ ।
यस अघि मंसिर ८ गते परराष्ट्रमन्त्री साउदले कतारका विदेश राज्यमन्त्री सुल्तान बिन साद अल मुखैरीसँग मन्त्रालयमा भएको भेटमा रिहाइका लागि पहल गरिदिन आग्रह गरेका थिए । जवाफमा कतारका विदेश राज्यमन्त्रीले जोशीको रिहाइका लागि यथाशीघ्र सहयोग गर्ने आश्वासन दिएका थिए ।
गत अक्टोबर ७ बाट सुरु भएको इजरायल हमासको युद्धमा परेर नेपालका विपीव वेपा छन् । हाल इजरायल र हमासबीच अस्थायी युद्धविराम लागू छ । यो अवधिमा हमासले आफ्नो कब्जामा रहेका थाइ र इजरायली नागरिकलाई रिहा गरे पनि जोशीलाई भने रिहा गरेको छैन ।
