काठमाडौँ । नेपाल प्रहरीका प्रहरी वरिष्ठ उपरीक्षक (एसएसपी) मधुसुदन लुइँटेलले राजीनामा दिएका छन् । प्रहरी राष्ट्रिय तालिम प्रतिष्ठानमा कार्यरत लुइँटेलले घरायसी कारण देखाउँदै राजीनामा दिएका हुन् ।
उनले उमेरहदका कारण अवकाश पाउन लागेका थिए । तर अवकाशको दुई साताअघि नै लुइँटेल राजीनामा दिए।
लुइँटेल २०७७ पुस २७ गते प्रहरी उपरीक्षक (एसपी)बाट एसएसपी बढुवा भएका थिए । उनले करिब तीन वर्ष एसएसपीको जिम्मेवारी सम्हालेका छन् ।
उनको राजीनामा स्वीकृतसमेत भइसकेको गृह मन्त्रालयले जनाएको छ ।
