नेपाल, युएई र हङकङबीच हुने टी-२० सिरिजको खेल तालिका सार्बजनिक

काठमाडौँ । नेपालले विश्वकप छनोट अघि खेल्ने त्रिकोणात्मक टी- २० सिरिजको तालिका सार्बजनिक भएको छ । 

नेपालसहित युएई र हङकङ खेल्ने यस त्रिकोणात्मक सिरिजको नेपाल क्रिकेट संघ (क्यान) ले बुधबार खेल तालिका सार्बजनिक गरको हो ।

यो सिरिज कार्तिक १ गते अर्थात अक्टोबर १८ देखि शुरु हुने छ । कार्तिक १ गते नेपाल र युएईबीच खेल हुने छ भने कार्तिक २ गते नेपाल र हङकङबीच खेल हुने छ । त्यस्तै कार्तिक ४ गते नेपाल र हङकङबीच खेल हुने छ भने कार्तिक ५ गते युएई र हङकङबीच खेल हुने छ । त्यसैगरी कार्तिक ६ गते नेपाल र युएईबीच तथा कार्तिक ८ गते हङकङ र युएईबीच खेल हुने छ । अंक तालिकामा शिर्ष दुई स्थानमा रहने देशबीच कार्तिक १० गते फाइनल खेल हुने छ ।